إعـــلانـــات

كنت بحلم اني ميت

منتدي خاص بالشعر العربي وهمس القوافي، مقالات شعرية

قوانين المنتدى
* الموضوع يجب ان يكون من انشاءك الخاص تستحصل علي رصيد اضافي مقابل ذلك
* يمنع منعا باتا نقل اي موضوع من منتدى اخر
* الردود يجب ان تكون اكتر من 75 حرفا وذات محتوى ومعنى
* القوانين العامة : viewtopic.php?f=2&t=984
صورة العضو الشخصية
ahmedyaseen750
عضو مميز
عضو مميز

كاتب الموضوع
مشاركات: 356
اشترك في: 15 يونيو 2016, 20:11
رصيد البيتكوين: Locked
مكان: مصر
عنوان البيتكوين: 1CCoiP2d3NgyHERG5ZpxQJcZaRGxT29nwX
الإحالات/الدعوات: 25
اتصال:
Egypt

كنت بحلم اني ميت

مشاركة غير مقروءةبواسطة ahmedyaseen750 » 23 يونيو 2016, 04:38


كنت بحلم اني ميت
واني جوة القبر لسه
كنت خايف
والتراب غطالي صدري
رعشه مسكت جسمي فجأة
قومت مفزوع جوة قبري
جالي واحد .. بعده واحد
يسألوني
والحقيقة بيلوموني
قالوا : ربك !
قولت : رب العالمين
قالوا : دينك !
قولت : زي المسلمين
قالوا : مت فــ حرب داعش ولا سوريا !!
قولت مين !
اي اللي جاب فـ القبر سوريا ولا ليبيا ولا داعش !!
قالوا : جاوب ...!
قولت : مت وكنت نايم
قالوا : نايم !
والله عال
هوا حال المسلمين
رقص مغنى وقصر ديل
كنت نايم والصهاينة عــ البيبان !
كنت نايم وسط غول الامريكان !
اله قوللي ..
فين قادات المسلمين !!
فين شيوخ المؤمنين !!
قولت : مين!
انت فاكر ان لسه قاداتنا قاده !!
ولا اسياد العقيده
لسه ساده !!
طب وربي بعد موتهم
والله ما اعمل قهوة ساده
- طب واقصانا معاهم ولا فين !
قولت : عاملينله حدود
غاب بهاؤه مـ اليهود
والحكومه فـ كل دولة خلاص سابوه
- طب اوباما !!
قولت : يلعن (د**) ابوه !!
خد عقولنا بالماعونه
باعوا فينا واشترونا
قال واي بأكلونا !!
بالشحاته يامريكونا
مزّقونا حته حته
سرقوا جيبنا من الجاكته
قالوا : والحكومات اي دورها !!
قولت : غرقوا فـ صحن فتّه
والمشايخ من سنين
سكتوا لما بوش هرانا
قال وقالوا كمان ( آمين ..)
غنى فيهم شيخ " أمين "
قال : (حرام !!
دي ناس يا خلق موزعه الاوهام
ساعدوا العدو بجهلهم فـ الحرب عـ الاسلام )
كله ساكت عـ الاهانه
كله بايع للكرامه
ياعم قوللي امتى هاتقوم القيامة !!
الكويت اخدت عراقنا
واسرائيل سرقت بلادنا
دبّحوا وقتلوا فـ ولادنا
قالوا : يبقى خلاص جهنم
هي مثواك الاخير
قولت : ليه !
هوا انا مـ المسؤلين !!
ولا لابس توب عقيده
ولا ناهب خير بلادنا زي كل الحاكمين !!
قالوا : بس خلاص خلصنا
ربي هوا اللي يحكم
قولت : ربي عادله واسع
رحمته صابت قلوبكم
فجأة وسط الحلم الاقي
جيّ اخويا الصغير
شد من فوقي اللحاف
قاللي : يالا قوم يا " عسكر "
شوف خطابات الرئيس
قولت : هيص يا شعب هيص
والله شعري راح اقوله
وادي دقني لو هاخاف !!
عرب شاترز

العودة إلى “منتدي الشعر وهمس والقوافي”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 0 زائر

إعــلانــات