بطاقة بيتكوين الجديدة قريبا!
Qrypto - The All-in-one Bitcoin Card

متزعليش

منتدي خاص بالشعر العربي وهمس القوافي، مقالات شعرية

قوانين المنتدى
* الموضوع يجب ان يكون من انشاءك الخاص تستحصل علي رصيد اضافي مقابل ذلك
* يمنع منعا باتا نقل اي موضوع من منتدى اخر
* الردود يجب ان تكون اكتر من 75 حرفا وذات محتوى ومعنى
* القوانين العامة : viewtopic.php?f=2&t=984
صورة العضو الشخصية
ahmedyaseen750
عضو مميز
عضو مميز

كاتب الموضوع
مشاركات: 357
اشترك في: 15 يونيو 2016, 20:11
رصيد البيتكوين: Locked
مكان: مصر
عنوان البيتكوين: 1CCoiP2d3NgyHERG5ZpxQJcZaRGxT29nwX
الإحالات/الدعوات: 25
اتصال:
Egypt

متزعليش

مشاركة غير مقروءةبواسطة ahmedyaseen750 » 20 يونيو 2016, 16:33


متزعليش

لو جم قالولك إنُّه مش باين عليه أثر الفراق
و انُّه مش بيجيب فى سيرتك و انُّه عادى
لا بان عليه أثر الفراق ولا فيه ألم ولا فيه اشتياق
حقاش قصيده كتبها فيكى
هى دى اللى طلعتى بيها
أما هو خلاص نسيكى
عادته ولاهيشتريها
و احنا قولنالك زمان ما بتسمعيش
فا ماتزعليش

ثم هو ماكانش نقوه
كان بيتأخر عليكى بالساعات
و كان مفلس و شاكله يعنى ماكانش هو
كل أصحابك عابوه
أهو غار فى داهيه
و بكره يركع تحت رجلك سيد أبوه

بس يمكن كان حنين حبتين
حبتين .. هم بس حبتين
كان برضه بيسخّف عليكى
كنتى فين و رايحه فين
بس كان بيبان عليه
لما اسمك ييجى فى الكلام تلمع عنيه

بس برضه كان سقيل
ما كانش بيقدر ظروفك
كام مره قلتى مستحيل
و يصر برضه انه يشوفك

و ما تزعليش من قساوة الدنيا و عنادها العجيب
أنا كنت فاكر نفسى أقوى من النصيب
و كنت بتّريق على اللى ما كملوش
مين كان يقول ان النهايه تكون فاشوش

أنا لسه فاكر و قفتك و سط البنات
فاكر هدومك و ابتسامتك و الكلام.. حتى السكات
اذا كان فراقنا صحى فيكى كام وجع
أنا كل ليله بتدبح بالذكريات

أنا عندى ركن بحط فيه كل الحاجات
كل القصايد و الألم.. كل البنات
جيت أركنك جواه رفض.. ماكفاكيش
فا ماتزعليش

أنا بس طبعى قعود و بكتم جوه منى
مش فاكره نانا و جرحها
طب بان عليا بعدها
مش كنت بتنطط و اغنى
والناس تشوفنى تقول حجر
ولا اتوجع ولا اتكسر
زى الجبل ما بينحنيش
ماتصدقيش

أنا لما سيبتك كل حاجه اتغيرت
ريحة الشوارع و الدكاكين القديمه و البيوت
كأنى ببدأ من جديد رحلة حياتى.. أو بموت
حسيت كأنى نهيت حياتى خنقتها
أنا كنت متخانق معاكى وقتها
ماكنتش أقصد أقولك امشى ما ترجعيش
بس انتى كنتى صغيره مافهمتنيش

الطبع غلاب و انتى عارفه و كنتى لازم تعذرينى
ماعرفتش اترجاكى و انتى بتدبحينى
ربونا عالهيبه و عالحب بقيامه
و ان لما البنت تتقل يوم عليك .. بالسلامه

صدقيهم لو قالولك إنى عصبى أو فلاتى
و انى بعرف ألف واحده و قلبى بيغير يوماتى
صدقيهم لو قالولك أى كدبه عن حياتى
بس أوعى تصدقيهم لو قالولك انه كان كداب معاكى ما حبكيش
وان جم قالولك انه مش باين عليه أثر الفراق ماتصدقيش
عرب شاترز

العودة إلى “منتدي الشعر وهمس والقوافي”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 0 زائر

إعــلانــات